SAHAR

1. Charaag-e-ishq Jalaane Kii Raat Aa_ii Hai
   Kisii Ko Apanaa Banaane Kii Raat Aaii Hai
   
   Falak Ka Chaa.dd Bhii Sharmaa Ke Muu.nh Chhupaayegaa
   Naqaab Rukh Se Uthaane Kii Raat Aa_ii Hai
   
   Nigaah-e-saaqii Se Paiham Chhalak Rahii Hai Sharaab
   Pi_o Ki Piine-pilaane Kii Raat Aa_ii Hai
   
   Vo Aaj Aa_e Hai.n Mahafil Me.n Chaa.ndanii Lekar
   Ki Raushanii Me.n Nahaane Kii Raat Aa_ii Hai

2. Kitanii Pii Kaise Katii Raat Mujhe Hosh Nahii.n
   Raat Ke Saath Ga_ii Baat Mujhe Hosh Nahii.n
   
   Mujh Ko Ye Bhii Nahii.n Maaluum Ki Jaanaa Hai Kahaa.n
   Thaam Le Ko_ii Meraa Haath Mujhe Hosh Nahii.n
   
   Aa.nsuo.n Aur Sharaabo.n Me.n Guzar Hai Ab To
   Mai.n Ne Kab Dekhii Thii Barasaat Mujhe Hosh Nahii.n
   
   Jaane Kyaa Tuutaa Hai Paimaanaa Ki Dil Hai Meraa
   Bikhare Bikhare Hai.n Khayaalaat Mujhe Hosh Nahii.n

3. Mujhase Bichha.d Ke Khush Rahate Ho
   Merii Tarah Tum Bhii Jhuuthe Ho
   
   Ik Tahanii Par Chaa.nd Tikaa Thaa
   Mai.n Ye Samajhaa Tum Baithe Ho
   
   
   Ujale Ujale Phuul Khile The
   Bilkul Jaise Tum Ha.nste Ho
   
   Mujh Ko Shaam Bataa Detii Hai
   Tum Kaise Kapa.de Pahane Ho
   
   Tum Tanahaa Duniyaa Se La.doge
   Bachcho.n Sii Baate.n Karate Ho

4. Tere Baare Me.n Jab Sochaa Nahii.n Thaa
   Mai.n Tanhaa Thaa Magar Itanaa Nahii.n Thaa
   
   Terii Tasviir Se Karataa Thaa Baate.n
   Mere Kamare Me.n Aa_iinaa Nahii.n Thaa
   
   Sama.ndar Ne Mujhe Pyaasaa Hii Rakhaa
   Mai.n Jab Seharaa Me.n Thaa Pyasaa Nahii.n Thaa
   
   Manaane-ruuthane Ke Khel Me.n Ham
   Bichha.d Jaaye.nge Ye Sochaa Nahii.n Thaa
   
   Sunaa Hai Band Kar Li Us Ne Aa.nkhe.n
   Ka_ii Raato.n Se Vo Soyaa Nahii.n Thaa

5. Tere Aane Kii Jab Khabar Mahake
   Tere Khushbuu Se Saaraa Ghar Mahake
   
   Shaam Mahake Tere Tasavvur Se
   Shaam Ke Baad Phir Sahar Mahake
   
   [tasavvur=thought; Sahar=morning]
   
   Raat Bhar Sochataa Rahaa Tujh Ko
   Zahan-o-dil Mere Raat Bhar Mahake
   
   
   Yaad Aaye To Dil Munavvar Ho
   Diid Ho Jaaye To Nazar Mahake
   
   [munavvar=illuminated; Diid=seen/to See]
   
   Vo Gha.dii Do Gha.dii Jahaa.n Baithe
   Vo Zamii.n Mahake Vo Shajar Mahake

6. Tum Ne Dil Kii Baat Kah Dii Aaj Ye Achchhaa Huaa
   Ham Tumhe.n Apanaa Samajhate The Ba.daa Dhokhaa Huaa
   
   Jab Bhii Ham Ne Kuchh Kahaa Us Kaa Asar Ulataa Huaa
   Aap Shaayad Bhuulate Hai.n Baarahaa Aisaa Huaa
   
   Aap Kii Aa.nkho.n Me.n Ye Aa.nsuu Kahaa.n Se Aa Gaye
   Ham To Diivaane Hai.n Lekin Aap Ko Ye Kyaa Huaa
   
   Ab Kisii Se Kyaa Kahe.n 'iqbaal' Apanii Daastaa.n
   Bas Khudaa Kaa Shukr Hai Jo Bhii Huaa Achchhaa Huaa

7. Yaad Nahii.n Kyaa Kyaa Dekhaa Thaa Saare Manzar Bhuul Gaye
   Us Kii Galiyo.n Se Jab Laute Apanaa Bhii Ghar Bhuul Gaye
   
   Khuub Gaye Pardes Ki Apane Diivaar-o-dar Bhuul Gaye
   Shiish-mahal Ne Aisaa Gheraa Mittii Ke Ghar Bhuul Gaye
   
   Tujh Ko Bhii Jab Apanii Qasame.n Apane Vaade Yaad Nahii.n
   Ham Bhii Apane Khvaab Terii Aa.nkho.n Me.n Rakh Kar Bhuul Gaye
   
   Mujh Ko Ji.nho.ne Qatl Kiyaa Hai Ko_ii U.nhe.n Batalaaye "nazeer"
   Merii Laash Ke Pahaluu Me.n Vo Apanaa Khanjar Bhuul Gaye

8. Ye Jo Zindagii Kii Kitaab Hai Ye Kitaab Bhii Kyaa Kitaab Hai
   Kahii.n Ik Hasiin Saa Khvaab Hai Kahii.n Jaan-levaa Azaab Hai
   
   
   Kahii.n Chha.nv Hai Kahii.n Dhuup Hai Kahii.n Aur Hii Ko_ii Ruup Hai
   Ka_ii Chehare Is Me.n Chhupe Hu_e Ik Ajiib Sii Ye Naqaab Hai
   
   Kahii.n Kho Diyaa Kahii.n Paa Liyaa Kahii.n Ro Liyaa Kahii.n Gaa Liyaa
   Kahii.n Chhiin Letii Hai Har Khushii Kahii.n Meharabaan Behisaab Hai
   
   Kahii.n Aa.nsuo.n Kii Hai Daastaa.n Kahii.n Muskuraahato.n Kaa Bayaa.n
   Kahii.n Barqato.n Kii Hai Baarishe.n Kahii.n Tishnagii Behisaab Hai