Bahot khubsurat hai aankhein tumhaari

Bahot khubsurat hai aankhein tumhaari
Agar ho inaayat ai jaane mohabbat
Bana dijiye inako kismat hamaari
Bahot khubsurat hai aankhein tumhaari

Jo sabse juda hai, woh andaaj ho tum
Chhupa tha jo dil mein wohi raaj ho tum
Tumhaari najaakat bani jabse chaahat
Sukun ban gayi hai, har ik bekaraari

Na the jab talak tum hamaari najar mein
Na tha chaand shab mein na suraj seher mein
Tumhaari ijaajat tumhaari hukumat
Yeh saara nagar hai yeh dharati hai saari

Bahot khubsurat hai aankhein tumhaari
Agar ho inaayat ai jaane mohabbat
Bana dijiye inako kismat hamaari
Bahot khubsurat hai aankhein tumhaari

Share: