Yaad nahi kya kya dekha tha,
Saare manzar bhool gaey..
Us ki galiyon se jab guzre,
Apna hi ghar bhool gaey..
Khoob gaey pardes ke apne
Deewaar-o-dar bhool gaey..
Sheesh mehel ne aisa dekha,
Mitti ke ghar bhool gaey..
Mujh ko jinhon ne qatl kiya hai,
Koi unhain batlaey Nazeer..
Meri laash ke pehlu mein woh
Apna khanjar bhool gaey..
Us ki galiyon se jab guzre,
apna hi ghar bhool gaey...
Share:
