मन मथुरा और तन वृन्दावन Man Mathura aru Tan Vrindavan ~ Krishna

Krishna

Man Mathura aru Tan Vrindavan

Man mathura aru tan vrindavan

Nain bahen yamuna jal paawan

rom rom hai gopi gwala
dhadkan japati nis din mala
vrindavan ki kunj galin ke
pran tumhi to ho nandlala
saanson mein murali ki sargam
ye jeevan hai tere kaaran
man mathura ....

hand maas ki is haandi mein
prem bhakti ka kar do manthan
ye navneet churane aana
de jaana tu tera darshan
man ke manke piro piro kar
nisdin karti tera sumiran
man mathura ... 

Ghanan Ghanan Ghan Shyam Barsat

Ghanan ghanan Ghanshyam barsat
tulsi hasi Ghanshyam bheejat

chalat atpat girat latpat
uthat chatpat mudat chhatpat
kari hatheli bund nirkhat
dekhi motin hasat parkhat
 bund bikharat mobhe surat 
kabahu kheejat kabahun reejhat


kanha kilkat nanduri damkat
chhipat damini palak jhapkat
chhan chhananananana meha barsat
jhan jhananananana nupur baajat
charan chumat megha harshat
chhui sakat nahi gagan tarsat

begi dhavat chakithaari
bhuwan bhuwanakar atari
naam le yasuda pukari
kit gayo lalna bihari
dikhi parat ho preet bandhi
kaanh bhijat dekhi reejhat 

Jai Jai Ram Ramaiya

Jai Jai ram ramaiya jag ke paar lagaiya
Jai Jai Krishna Kanhaiya Jag mein raas raas rachaiya

Hey maryada hey yug Krishna kahan gaye tum aaj to bolo
Paap hai apne charam bindu par dhanush chakra se isko todo

Ramayan ka Ram kahan hai Geeta ka Ghanshyam kahan hai
Ram ke woh aadesh kahan hain Geeta ke sandesh kahan hain

neelambhuj shyamal komalangam
seeta samaroh pitvambubhagam
pado mahashayak charu chapam
namami Ramam Raghuvansh natham

apne vachan charitarth karo prabhu
kalyug mein hey Krishna sun lo
dustadalan raghuveer kahan hai surya vansh ka veer kahan hai

Japa kar japa kar

Japa kar japa kar hari om tatsat
hari om tatsat Hari om tatsat

Halahal ka meera ne pyala peeya tha
use vish se amrit kisne kiya tha
Meera deewani isi naam ki thi
Hari Om Tatsat Hari Om Tatsat

Lagi aag Lanka mein Hulchal macha tha
to Ghar phir Vibhishan ka kyun kar bacha tha
Likha tha yahi shabd kutiya pe uske
Hari Om Tatsat Hari Om Tatsat

Dushta ne lohe ka khambha racha tha
Nirdosh Prahlad kyun kar bacha tha
kari thi vinaya ek swar se jo usne
Hari Om Tatsat Hari Om Tatsat

Kaha Krishna ne Shashtra uthao

Yudh ksetra men jab arjun ne taja dhanush aur baan
kaha krishna ne shashtra uthao yodhha bano mahaan

dono ore khadi thi sena tab arjun ghabraye
dekh ke apne kul sambandhi kamal nain bhar aayen
apne baadon se apno ke kaise har loon pran

"adhikaar tyaag chup baith rehna yeh maha dushkarma hai
nyayaat apne bandhuon ko dand dena dharm hai"

hey arjun tu shok na karne yogya soka karta hai
inka marna nischit hai phir yuddh se kyun darta hai 
sabko hi jaana hai ek din baat samajh aasan

azar amar hai sirf aatma bas sharir mar jaaye
jaise vastra purane taj koi naye vastra apnaaye
dharma yudh se vimukh hua jo uska kya samman

ye saara sansaar hai mujhme mere ansh sabhi
saare jeev samaye mujhme mere ansh sabhi 
chan bhangur rishton ko taj kar yuddh ko var lo parth

"vayuryamo agni varunah shashankah
prajapatsthawam prapitamahascha
namah namastestu shahatrakritwah
punaschabuyorapi namo namaste"

   

dekh viraat roop bhagwan ka arjun kaanp uthe
geeta gyan jaga antar mein man ke netra khule
utha liya tab dhanush haanth mein sath liye tab baan
 

Geetasaar

Share: